មនុស្សភាគច្រើនមែនទែនសុទ្ធតែដឹងហើយថាពងមាន់ជាប្រភពនៃប្រូតេអ៊ីន ខ្លាញ់ វីតាមីន និងសារធាតុជាច្រើនទៀតដែលមានសារៈប្រយោជន៍ដល់សុខភាពរាងកាយ។ ក្រៅពីនេះ ការទទួលទានពងមាន់ក៏អាចជួយប្រឆាំងនឹងជំងឺបានដែរ ជាក់ស្ដែងដូចជាជំងឺ ៣ ខាងក្រោមនេះ៖ ១. ជំងឺមហារីក នៅក្នុងស៊ុត ស មានសារធាតុប្រឆាំងមហារីកមួយប្រភេទហៅថា citric acid អាចចូលទៅចាប់មេរោគដែលបង្កជាជំងឺមហារីកបាន។ យោងតាមគេហទំព័រ Feedstrategy បានបង្ហាញថាប្រូតេអ៊ីន និង peptides អាចជួយប្រឆាំងនឹងការខូច DNA និងកាត់បន្ថយការរាលដាលនៃកោសិកាមហារីកផងដែរ។ ដូច្នេះហើយទើបគេណែនាំឱ្យញ៉ាំពងមាន់មួយថ្ងៃចន្លោះពី ១ ទៅ ៣ គ្រាប់ដើម្បីជៀសឆ្ងាយពីជំងឺមហារីក។ ២. ជំងឺបេះដូង (ischemic) ក្នុងស៊ុតមួយគ្រាប់មានផ្ទុកនូវសារធាតុចិញ្ចឹមល្អៗជាច្រើនមិនថាប្រូតេអ៊ីន អាស៊ីតអាមីណូសំខាន់ៗ អូមេហ្គា ៣ ខ្លាញ់ល្អ វីតាមីន និងសារធាតុរ៉ែផ្សេងទៀត។ ជាពិសេសការរួមបញ្ចូលគ្នារវាងអូមេហ្គា ៣ និងខ្លាញ់ល្អដែលជាខ្លាញ់ឆ្អែតក្នុងពងមាន់អាចជួយកាត់បន្ថយហានិភ័យនៃជំងឺបេះដូង (ischemic) បានយ៉ាងល្អ។ ដូចនេះសម្រាប់អ្នកញ៉ាំស៊ុតបានទៀងទាត់ សុខភាពបេះដូងនឺងកាន់តែរឹងមាំ។ ៣. ជំងឺវង្វេង នៅក្នុងស៊ុតមាន់មានសារធាតុរ៉ែម្យ៉ាងហៅថាកូលីនជាសមាសធាតុមួយនៃឡេស៊ីទីនដែលប្រយោជន៍ខ្លាំងមែនទែនសម្រាប់ខួរក្បាល។ ជាមួយគ្នានេះ សារធាតុរ៉ែមួយអាចជួយចិញ្ចឹមខួរក្បាល បង្កើនការចងចាំ ការជំងឺនៃប្រព័ន្ធសរសៃប្រសាទ និងពន្យឺតការចាប់ផ្ដើមនៃជំងឺវង្វេងផងដែរ។ ជាពិសេសសម្រាប់មនុស្សចាស់គួរតែញ៉ាំស៊ុតយ៉ាងតិច ១ គ្រាប់ក្នុងមួយថ្ងៃ ដើម្បីជំនួយទៅដល់សុខភាព៕

មុខរបរចិញ្ចឹមមាន់ស្រែរបស់ប្រជាកសិករក្នុងខេត្តបន្ទាយមានជ័យ កំពុងទទួលបានលទ្ធផលនិងមានទីផ្សារល្អ ដែលអាចជួយលើកកម្ពស់ជីវភាពគ្រួសាររបស់បងប្អូនបានមួយកម្រិត ។ លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់និងនេសាទ ខេត្តបន្ទាយមានជ័យ បានប្រាប់វិទ្យុជាតិកម្ពុជាថា មានកសិករជាច្រើនគ្រួសារនៅក្នុងខេត្ត បានងាកមកប្រកបរបរចិញ្ចឹមមាន់ស្រែវិញ ដើម្បីរកចំណូលបន្ថែម សម្រាប់ ផ្គត់ផ្គង់ក្នុងគ្រួសារផង និងតម្រូវការក្នុងស្រុកផង ។ លោកបានបន្តថា ប្រជាកសិករយើង បានចិញ្ចឹមជាលក្ខណៈគ្រួសារ ដោយក្នុងមួយគ្រួសារៗ ចិញ្ចឹមចាប់ពី៣០ទៅ៥០ក្បាល ហើយសម្រាប់មាន់សាច់ អាចលក់ចេញបានក្នុងតម្លៃ១៨,០០០រៀល ទៅ២០,០០០រៀល ក្នុងមួយគីឡូក្រាម។ ចំណែកកូនមាន់ អាចលក់បានក្នុងតម្លៃពី២០០០រៀល ទៅ៣៥០០រៀល តាមអាយុរបស់វា។លោកបានបន្តទៀតថា មន្ទីរ បានចុះជំរុញនិងណែនាំ ដល់ប្រជាកសិករ ឱ្យយល់ដឹងកាន់តែច្បាស់ ពីបច្ចេកទេសក្នុងការចិញ្ចឹមមាន់ ប្រើរយៈពេលខ្លី និងឆាប់ទទួលបានផល ។ ឥឡូវនេះ យើងកំពុងតែបណ្ដុះបណ្ដាលគាត់ ហើយយើងនឹងជ្រើសរើសកសិករគំរូម្នាក់ បង្ហាញនៅក្នុងបណ្ដុំហ្នឹង ហើយកសិករគំរូហ្នឹង យើងបានផ្គត់ផ្គង់ជាសម្ភារឱ្យគាត់ ដើម្បីធ្វើការបង្ហាញពីរបៀបក្នុងការចិញ្ចឹមមាន់ និងភ្ញាស់កូនមាន់លក់ ហើយសព្វថ្ងៃនេះ គឺការចិញ្ចឹមនិងភ្ញាស់កូនមាន់ គឺត្រូវភ្ញាស់នៅក្នុងទូភ្ញាស់មិនមែនឱ្យក្រាបដូចពីមុននោះទេ គឺភ្ញាស់ដោយប្រើ ប្រព័ន្ធអគ្គិសនី ចឹងមួយកន្លែងមួយកន្លែង គាត់អាចភ្ញាស់កូនមាន់បានរាប់ពាន់ក្បាល និងអាចយកទៅលក់នៅទីផ្សារបាន។ លោកប្រធានមន្ទីរ ក៏បានអំពាវនាវឱ្យកសិករដទៃទៀត គួរតែចាប់អារម្មណ៍ពីមុខរបរ ចិញ្ចឹមមាន់បែបនេះ ដើម្បីបង្កើនចំណូល ក្នុងគ្រួសារ និងជួយលើកស្ទួយដល់វិស័យកសិកម្ម ក្នុងនៅកម្ពុជា ៕

អ្នកលក់មាន់ និងទាភាគច្រើន តែងប្រើប្រាស់សារធាតុគីមីជួយដើម្បីងាយស្រួលក្នុងការបោចរោមមាន់-ទា និងប្រើពេលខ្លី ពិសេសនៅក្នុងរដូវបុណ្យទាន ប៉ុន្តែ ការធ្វើបែបនេះ វាប៉ះពាល់ដល់សុខភាពអ្នកទទួលទាន។ ខាងក្រោមនេះ គឺជាវិធីមួយចំនួនដែលនឹងជួយធ្វើឱ្យការបោចរោមមាន់-ទារបស់លោកអ្នក មានភាពងាយស្រួល និងរហ័សទាន់ចិត្ត។ មាន់ដែលលោកអ្នកប្រុងនឹងទិញ ត្រូវតែជាមាន់ដែលមានសុខភាពល្អ មានសាច់ហាប់ណែន រហ័សរហួន ពេលចាប់កាន់វាវានឹងរើបម្រះខ្លាំង ភ្នែកវៃ សម្បុរស្បែករបស់វាក្រហមស្រស់ រោមរលោងល្អ គែរបស់វាមិនណែន និងមិនរឹង ទាំងអស់នេះបញ្ជាក់ថា គឺជាមាន់ដែលមានសុខភាពល្អ។ –ពេលសើយស្រទាប់រោមមើល ឃើញស្បែកមាន់មានសភាពស្ដើង អាចមើលឃើញសាច់ និងស្រមោលសរសៃឈាម ហើយពេលយកដៃទៅច្របាច់ ដងខ្លួនមាន់មានសភាពណែន មានឆ្នូតលឿងនៅត្រង់ទ្រូង និងស្លាប នោះគឺជាមាន់ល្អ។ –គូទមាន់ត្រូវតែក្រហមស្រស់ និងមានចលនារស់រវើក មិនសើម ឬជាប់លាមក។ –ដើម្បីដឹងថា មាន់ត្រូវគេចាក់ទឹកបញ្ចូលដែរឬអត់នោះ លោកអ្នកត្រូវមើលទៅលើផ្នែកខាងក្រោមស្លាបរបស់វា បើសិនមានចំណុចក្រហមច្រើន មានស្បែកប៉ោង និងមានដក់ទឹកក្នុងស្បែក ហើយមានជាំខ្មៅ នោះបង្ហាញថា មាន់នោះត្រូវគេចាក់ទឹកចូលដើម្បីឱ្យធ្ងន់ហើយ។ –ពេលឃើញមាន់មានសភាពដូចតទៅនេះ ចូរកុំទិញឱ្យសោះ ៖ សម្បុរស្លេកស្លាំង ជាំ សំកុក ចេញទឹកមាត់ គែឡើងរឹង ភ្នែកមិនវៃ ទម្លាក់ស្លាប មិនរហ័សរហួន ឱនក្បាល រោមបះខុសធម្មតា ស្គមស្គាំង ជើងត្រជាក់ រន្ធគូទសម្បុរស ឬក្រហមជាំ ឬមានជាប់លាមកជុំវិញ។ 2.វិធីបោចមាន់ ត្រូវជ្រលក់ក្នុងទឹកមុនពេលបោច បន្ទាប់ពីបានសម្លាប់មាន់រួចហើយ អ្នកត្រូវជ្រលក់វាចូលទៅក្នុងទឹកត្រជាក់ឱ្យសព្វ រួចលើកចេញមកវិញ។ អ្នកអាចយកទឹកខ្មេះ ឬស្រា-ស មកលាបលើស្បែកវារយៈពេល 10នាទីដើម្បីធ្វើឱ្យរន្ធគល់រោមរបស់វារីកធំ។ បន្ទាប់មក ជ្រលក់មាន់ទៅក្នុងទឹកក្ដៅដែលមានសីតុណ្ហភាពប្រមាណជា 70 ទៅ 80អង្សាសេ(ជិតពុះ)។ អ្នកមិនត្រូវជ្រលក់ក្នុងទឹកក្ដៅយូរពេកទេ ព្រោះវានឹងធ្វើឱ្យស្បែកមាន់ផុយរលួយនៅពេលបោច។ ដើម្បីងាយស្រួលក្នុងការបោចរោមមាន់ ដំបូងអ្នកត្រូវប្រើដៃបោចរោមធំៗឱ្យអស់សិន បន្ទាប់មកប្រើប្រើចន្ទាសចាប់បោចរោមខ្លីៗដែលពិបាកបោចដោយដៃផ្ទាល់។ 3.វិធីបំបាត់ក្លិនមិនល្អរបស់មាន់ –កាត់កញ្ចូញមាន់ចោល ព្រោះថា វាមិនល្អសម្រាប់សុខភាពមនុស្សទេ និងមានក្លិនអាក្រក់ផង។ យកអំបិលម៉ដ្ឋមកលាប និងត្រដុសឱ្យសព្វស្បែករបស់មាន់ ហើយយកក្រូចឆ្មារមួយចំណិតមកជូតត្រដុសម្ដងទៀត រួចទើបលាងសម្អាត និងទុកឱ្យស្រស់ទឹក មុនពេលចម្អិន។ –អ្នកក៏អាចយកអំបិល និងមើមខ្ញីដែលដំសំប៉ែតហើយ រួចចាក់ស្រា-សចូល យកទៅលាបលើស្បែកមាន់។ វិធីនេះក៏ជួយកាត់ក្លិនឆ្អាបរបស់វាបានដែរ និងថែមទាំងជួយឱ្យសាច់មាន់មានក្លិនឈ្ងុយឆ្ងាញ់ទៀតផង៕

បរទេស ៖ សហព័ន្ធបសុសត្វ និងវារីវប្បកម្ម បានអំពាវនាវឱ្យរដ្ឋាភិបាល ជួយជាបន្ទាន់ ដល់កសិករចិញ្ចឹមសត្វ និងអាជីវកម្មម្ហូបអាហារ ដែលកំពុងជួបការលំបាក ដែលតម្លៃចំណីសត្វបានកើនឡើងពី 20 ទៅ 30 ភាគរយ ។ យោងតាមសារព័ត៌មាន The Nation ចេញផ្សាយនៅថ្ងៃទី៦ ខែវិច្ឆិកា ឆ្នាំ២០២១ បានឱ្យដឹងដោយផ្អែកតាមការលើកឡើងរបស់សហព័ន្ធថា ជំហានខាងក្រោមនឹងផ្តល់ជំនួយភ្លាមៗ រួមមាន លុបចោលការយកពន្ធ 2 ភាគរយលើសណ្តែកសៀងនាំចូល, ការលុបចោលពន្ធ 9 ភាគរយលើគ្រាប់ធញ្ញជាតិស្ងួត ដែលនាំចូលពីម៉ាស៊ីនចំហុយ ដែលមានសារធាតុរំលាយ, កាត់បន្ថយសមាមាត្រ នៃពោតដែលប្រើក្នុងចំណីសត្វ ហើយជំនួសវាដោយស្រូវសាលីនាំចូល និង ការអនុវត្តយន្តការទីផ្សារសេរី ដើម្បីគ្រប់គ្រងតម្រូវការ និងការផ្គត់ផ្គង់វត្ថុធាតុដើមក្នុងចំណីសត្វ ដូច្នេះវាសមស្របនឹងកត្តា និងការចំណាយបច្ចុប្បន្ន ។ សហព័ន្ធបាននិយាយទៀតថា ការផ្លាស់ប្តូរទាំងនេះ នឹងជួយកាត់បន្ថយការខាតបង់ ដែលទ្រទ្រង់ដោយកសិករ និងអាជីវកម្ម និងគាំទ្រដល់កំណើន ប្រកបដោយនិរន្តរភាព នៃឧស្សាហកម្មម្ហូបអាហារ ។ នៅក្រោមសមាមាត្រ ចំណីផ្លូវការ 3:1 ប្រទេសថៃត្រូវការពោតចំនួន 8 លានតោន ក្នុងមួយឆ្នាំ សម្រាប់ជាចំណីសត្វរបស់ខ្លួន ប៉ុន្តែថៃផលិតពោត បានតែ៥លានតោនប៉ុណ្ណោះ ហើយនៅសល់ត្រូវនាំចូល៕

កាលពីថ្ងៃទី ៦ ខែឧសភា ឆ្នាំ ២០២៥ កន្លងទៅ សារព័ត៌មានបរទេស បានរាយការណ៍ពីករណីសត្វមាន់ចំនួន ៣៥០ ០០០ ក្បាល ដែលត្រូវបានគេបញ្ជូនទៅសម្លាប់ ដោយសារតែពួកវាចឹកស៊ីគ្នាឯង ព្រោះក្រុមហ៊ុនដែលចិញ្ចឹមគ្មានលុយទិញចំណីឱ្យស៊ី។ ទីភ្នាក់ងារជាតិការពារសត្វនៃប្រទេសអាហ្រ្វិកខាងត្បូង (NSPCA) បានឱ្យដឹងថា មាន់ទាំងនេះមិនបានស៊ីចំណីជាង ១ សប្តាហ៍មកហើយ ពួកវាសុទ្ធតែអត់ឃ្លានដល់ថ្នាក់ចឹកស៊ីគ្នាឯងគួរឱ្យអាណិត ព្រោះតែក្រុមហ៊ុនចិញ្ចឹមពួកវាមិនបានដាក់ចំណីឱ្យស៊ី។ ក្នុងនោះ NSPCA បានជួយសង្រ្គោះមាន់ទាន់ពេលវេលាចំនួន ៥០០ ០០០ ក្បាល ហើយ NSPCA ក៏នឹងប្តឹងក្រុមហ៊ុនខាងលើក្រោមច្បាប់ការពារសត្វផងដែរ។ កសិដ្ឋាន និងមាន់ទាំងនេះ វាជាកម្មសិទ្ធិរបស់ Daybreak Foods ដែលជាក្រុមហ៊ុនផលិត និងអ្នកចែកចាយសាច់មាន់ធំមួយនៅអាហ្វ្រិកខាងត្បូង។ ខាងក្រុមហ៊ុនបានឱ្យដឹងថា មាន់ទាំងនេះមិនបានស៊ីចំណី ដោយសារតែក្រុមហ៊ុនកំពុងប្រទះបញ្ហាហិរញ្ញវត្ថុ ហើយក្រុមហ៊ុនក៏កំពុងតែប្រឹងប្រែងដោះស្រាយនូវបញ្ហានេះដែរ៕

មកដល់លេខ ៣៦ គឺ មាន់ដុតជាមួយស្លឹកគ្រៃ ជាម្ហូបប្រពៃណីដែលពេញនិយមពិសេសនៅតំបន់ដីសណ្តទន្លេមេគង្គ។ ម្ហូបនេះត្រូវបានផ្សំឡើងដោយគ្រឿងផ្សំពីសាច់មាន់ គល់ស្លឹកគ្រៃ ម្ទេស ខ្ទឹមស ស្ករ អំបិល ប្រេង រមៀត និងទឹកត្រី។ មាន់ត្រូវយកទៅបំពងជាមុនសិន បន្ទាប់មកយកទៅចៀនក្នុងប្រេងឆា រួចដាក់ក្នុងទឹករហូតដល់ទន់។ ពេលចប់ម្ហូបតែងត្រូវបានបាយក្តៅ។ បើចង់បាន ទឹកដូងអាចដាក់ចូលក្នុងឆ្នាំង ខណៈមាន់កំពុងពុះ។ លេខ 39 គឺ ការីមាន់ ជាភាសាវៀតណាមនៃការីមាន់ឥណ្ឌា។ ម្ហូបនេះងាយស្រួលរៀបចំ និងប្រើប្រាស់គ្រឿងផ្សំដូចជា សាច់មាន់ ដំឡូងបារាំង ការ៉ុត ខ្ទឹមបារាំង ខ្ទឹមស ទឹកដោះគោ ខ្ទិះមាន់ និងឱសថ និងគ្រឿងទេសដូចជា ស្លឹកគ្រៃ ទឹកត្រី និងម្សៅការី។ វាជាការល្អបំផុតក្នុងការ marinate សាច់មួយយប់។ ការីត្រូវបានចំហុយរហូតដល់ដំឡូងទន់ ហើយគ្រឿងផ្សំផ្សេងទៀតត្រូវបានចម្អិនពេញ។ បម្រើជាមួយអង្ករស និងនំប៉័ងក្រៀម ដែលច្រើនតែប្រើសម្រាប់ជ្រលក់។ នៅលេខ 37 គឺ សាឡាត់មាន់ ជាសាឡាដប្រពៃណីវៀតណាម។ សាឡាត់នេះមានរសជាតិផ្អែម ប្រៃ និងក្លិនក្រអូប ផ្សំពីសាច់មាន់ឆ្អិន ការ៉ុត ខ្ទឹមបារាំង ក្រូចឆ្មារ ជីអង្កាម និងពេលខ្លះស្ពៃក្តោប ជាពិសេសផ្កាចេក។ គ្រឿងផ្សំទាំងអស់ត្រូវដាក់ចូលក្នុងចានមួយច្របល់ចូលគ្នាឱ្យសព្វ រួចដាក់ខ្ទឹមបារាំង ទឹកត្រី ម្ទេស ខ្ទឹមស និងស្ករស។ មុនពេលបម្រើ សាឡាត់ដែលមានសុខភាពល្អ ច្រើនតែលាបជាមួយសណ្តែកដីលីង និងខ្ទឹមបារាំងចៀន។ ទីបំផុតមាន មាន់ស្ងោរ នៅលេខ 60។ សាច់មាន់ឆ្អិនទាំងមូលគឺពេញនិយមជាពិសេសនៅវៀតណាមក្នុងឱកាសបុណ្យចូលឆ្នាំថ្មី។ មាន់ស្ងោរ ផ្សំពីសាច់មាន់ទាំងមូល ខ្ញី អំបិល ខ្ទឹមបារាំងបៃតង រមៀត និងជាពិសេសស្លឹកក្រូចសើច។ មាន់ត្រូវប្រឡាក់អំបិលរួចស្ងោរក្នុងទឹកជាមួយខ្ញី ខ្ទឹមបារាំងបៃតង និងរមៀតរហូតដល់ពណ៌មាសត្នោត។ វាជាការសំខាន់ក្នុងការរក្សាស្បែកឱ្យនៅដដែលព្រោះវាអាចប្រេះប្រសិនបើជ្រលក់ក្នុងទឹករំពុះ។ បន្ទាប់ពីស្ងោរមាន់ត្រូវត្រាំក្នុងទឹកកកដើម្បីកុំឱ្យវាប្រែជាខ្មៅ។ ជួនកាលសាច់មាន់ត្រូវបានលាបជាមួយស្លឹកក្រូចសើច ហើយម្ហូបជារឿយៗត្រូវបានបម្រើជាមួយអំបិល និងក្រូចឆ្មា។ មាន់វ័យក្មេងតំណាងឱ្យភាពបរិបូរណ៍ និងភាពរុងរឿង ហើយជារឿយៗត្រូវបានបម្រើជាមួយអង្ករដំណើប។ ជាប់ចំណាត់ថ្នាក់លេខ 1 ក្នុងភាពពេញនិយមគឺជាមុខម្ហូបដ៏ល្បីបំផុតរបស់ប្រទេសឥណ្ឌាគឺ Murgh makhani ដែលត្រូវបានគេស្គាល់ជាអន្តរជាតិថាជា សាច់មាន់ប៊ឺ ដែលជាអាហារសំខាន់នៅក្នុងភោជនីយដ្ឋានឥណ្ឌាភាគច្រើន។

រៀងរាល់ ព្រឹកថ្ងៃអាទិត្យនៃសប្តាហ៍ទីពីររបស់ខែ ច្រកចូលតូច​មួយរបស់​វិថីហ្វាង​ហា​ថាម (ហា​ណូយ​) បាន​ក្លាយ​ជាទី​កន្លែង​ណាត​ជួប​គ្នា​ របស់អ្នកចូលចិត្ត​លេង​មាន់​សម្អ​។ ពួក​គេ​ប្រជុំ​គ្នា​នៅ​ទី​នេះ​ ដើម្បី “អួត” នូវមាន់​ពិសេស​របស់​ខ្លួន ក៏ដូច​ជារៀន​សូត្រ​ពីគ្នា របៀប​ចិញ្ចឹម​និង​ថែទាំ​មាន់​។​ ពូជមាន់សម្រាប់លេងលម្អភាគច្រើនគឺមាន់​ចែ ក្នុងនោះ​មានមា​ន់ចែ តឹន​ចូវ (អាន​យ៉ាង​) បាន​ពេញ​និយម​ចូល​ចិត្ត​បំ​ផុត​។ ពូជ​មាន់​នេះ មានរូបរាង​ស្រដៀងមាន់​ព្រៃប៉ុន្តែតូច​បន្តិច ទម្ងន់ធ្ងន់​បំផុតរបស់​មាន់ឈ្មោល​ពី៨០០ដល់​៩០០ក្រាម ឯមាន់​ញីតូច​ជាង​បន្តិច ប្រហែល​៧០០-៨០០​ក្រាម។ ចំពោះអ្នក​ចូលចិត្ត​លេង​មាន់​លម្អ ការជ្រើសរើស​និងបង្កាត់​ពូជមាន​សារសំខាន់​ណាស់ ពីព្រោះ​វាជា​កត្តា​សម្រេច​បង្កើត​ឡើង​នូវភាព​ខុស​ប្លែក​គ្នា រវាង​ “មាន់ជា​ទីស្រឡាញ់” របស់​ខ្លួនជាមួយ​មាន់លម្អ​ផ្សេងៗ​ទៀត​។​ ចំពោះរូបរាងដ៏ស្រស់សង្ហារបស់ខ្លួន មាន់ឈ្មោលតែងបានជ្រើស​រើសសម្រាប់​ចិញ្ចឹម​ធ្វើជា​លម្អ។ ក្រៅពី​នោះ វានៅ​ទាំង​ឆ្លើយ​តប​បាន​លក្ខណៈវិនិច្ឆ័យ​ពីពណ៌​សម្បុរ​និងរោម​ទៀត​ផង។ មាន់​ស្អាត​មួយ​ក្បាល​មាន​ទម្ងន់​ក្រោម​មួយ​គីឡូ​ក្រាម ក្បាល​តូច​ល្មម ចំពុះខ្លី ភ្នែកថ្លាយង់ឆ្លៀស​វៃ កន្ទុយ​វែងកោង​ដល់​ដី រូបរាង​ខាង​ក្រោម​និង​ខាង​លើស្រប​គ្នា ទ្រូង​ទូលាយ។ ស្លាបមាន់វែងទៅ​ក្រោយ​គ្រប់​ដណ្តប់​២/៣ នៃជើង​​រោមតូច​ល្អិត​​ទន់ រលើប​និង​បិទ​បាំង​ទាំង​រាង​កាយ​។ លេង​មាន់លម្អទាមទារអ្នកលេងត្រូវមាន​ពេលវេលានិងសេដ្ឋកិច្ច ការចូលចិត្ត យល់ដឹង និងបទ​ពិសោធន៍។ សំឡឹក​មើលម្ចាស់​មាន់​ថែទាំ​និង​ថ្នាក់ថ្នម នូវសត្វមាន់ ទើបយល់​ច្បាស់ពីការ​ថែទាំហ្មត់​ចត់​របស់​អ្នកលេង​នេះ៕

មាន់ដុងតាវ (Dong Tao) របស់វៀតណាម មិនមែនជាប្រភេទមាន់សម្លសម្រាប់ចិញ្ចឹមយកសាច់បរិភោគដូចមាន់ទូទៅទេ។ ប៉ុន្តែវាជាមាន់ពិសេសដែលមានក្រញំាដូចឥន្ទ្រីដែលគេស្គាល់ថាជាពូជមាន់ «ជើងនាគ»។ ជាច្រើនជំនាន់មកហើយ មាន់នេះជាគ្រឿងផ្សំសម្រាប់ធ្វើជាអាហារប្រណីតនៅប្រទេសវៀតណាម។ គេជឿជាក់ថាការបរិភោគមាននេះនឹងនាំមកនូវសំណាង។ជានិច្ចកាល វៀតណាមមានជំនឿថាមាន់នេះនាំមកនូវការចម្រុងចម្រើន និងរកទទួលទានមានបាន លុយហូរចូលដូចទឹក។ វៀតណាមច្រើនប្រើប្រាស់មាន់នេះជាកាដូ ឬអំណោយនៅថ្ងៃពិសេសដូចជាថ្ងៃបុណ្យចូលឆ្នាំវៀតណាម ឬបុណ្យទែត (Tet) ។ មាន់ប្រភេទនេះនៅពេលអស់ធំវាអាចមានទម្ងន់ដល់៦គីឡូក្រាមក្នុងមួយក្បាល។ ភូមិដុងតាវ (Dong Tao) ស្ថិតនៅចម្ងាយ៣០គីឡូម៉ែត្រពីទីក្រុងហាណូយ។ ទីនេះជាកន្លែងចិញ្ចឹមមាន់ល្អៗ។ ម្ចាស់កសិដ្ឋានម្នាក់ឈ្មោះង្វៀនធីហុងញឺង (Nguyen Thi Hong Nhung) គឺជាកូនចៅជំនាន់ទីបីនៃវង្សត្រកូលអ្នកចិញ្ចឹមមាន់ប្រភេទនេះ។ អ្នកស្រីប្រាប់ថាមានជើងនាគនេះថ្វីដ្បិតងាយស្រួលចិញ្ចឹមក៏ពិតមែនដោយសារវាស៊ីចំណីដូចមាន់ទូទៅដែរ។

👉🏻ដោយមានការចូលរួមនិងគាំទ្រយ៉ាងច្រើនកុះករពីសំណាក់បងប្អូនអ្នកស្នេហាបក្សីកីឡា🏟🐓 🗣ឥឡូវនេះសង្វៀន V168 យើងបានរៀបចំការប្រកួតពានរង្វាន់រដូវកាលទី 7🏆​ដោយមានការចូលរួមពីសំណាក់🐓🏟 - កសិដ្ឋាន ហ៊ាធូ​ កែប -កសិដ្ឋាន មេ​​ ហុង​ -កសិដ្ឋាន ភ្នុំ វល្ល័ -កសិដ្ឋាន កុមា សំរឹទ្ទ -កសិដ្ឋាន HK 7/9 -កសិដ្ឋាន ចៅនី -កសិដ្ឋាន អធិរាជ្យ​ មហាពូន -កសិដ្ឋាន ហុង ហួត -កសិដ្ឋាន ហ៊ាតៃ កោះស្លា -កសិដ្ឋាន VANNAk PD199 👉🏻និងមានកសិដ្ឋានផ្សេងៗទៀតចូលរួម👏🏻 🥇លេខ 1 ទទួលបាន​ HONDA SCOOPY 🛵 🥈លេខ2 ទទួលបាន HONDA WAVE 🛵 សូមចូលរួមនិងតាមដានទាំងអស់គ្នានៅថ្ងៃទី 03 ខែ សីហា​ ឆ្នាំ 2025 ខាងមុខនេះសង្វៀន V 168 លើកស្ទួយអ្នកស្នេហាបក្សីកីឡា🐓🏟

មានបុរស​ចូល​និវត្តន៍ឈ្នោះ Angelo Boletti មក​ពី​ទីក្រុង Castiraga Vidardo នៃ​ប្រទេស​អ៊ី​តា​លី​នៅ Lombardy បានរលោភច្បាប់ដែលចែងថា សត្វ​ចិញ្ចឹម​ត្រូវ​តែ​រក្សា​ទុក​នៅ​ចម្ងាយ​អប្បបរមា ១០​ម៉ែត្មូលហេតុគឺសត្វមាន់គករបស់លោក តែងតែរងាវផ្អើលគេឯង ។ បង្ករអោយមានការត្អួញជា​ច្រើន​អំពី​ទម្លាប់​ពេល​ព្រឹក​របស់​សត្វ​មាន់​នេះ ប៉ូលិស​បាន​ធ្វើការ​អង្កេត ហើយ​ក៏​សម្រេច​ផាកពិន័យ​លោក Boletti ក្នុង​ទំហំ​ទឹកប្រាក់ ២០០​ដុល្លារ​អា​មេ​រិ​ក​។ រ​ពី​ផ្ទះ​ជិតខាង​។ក៏មានការមិនពេញចិត្តពីម្ចាស់មាន់គឺលោក Boletti ព្រោះជាការ​ពិន័យដោយគ្មានការព្រមានជាមុន លោក​អភិបាលក្រុង ក៏បានចេញមុខ​អះអាង​ថា​ បូលី​ស​ក៏បានទៅ​សាកសួរ​ម្ចាស់​មាន់​តាំងពី​ខែកក្កដា និង​បាន​ប្រាប់​ពី​ច្បាប់​រក្សា​សត្វ​ចិញ្ចឹម​ចម្ងាយ ១០​ម៉ែត្រ​ពី​អ្នក​ជិតខាង​រួច​ហើយ​។អ្វីដែលគួរ​ឱ្យ​ចាប់អារម្មណ៍វាមិនមែនតែម្តងទេ ដែលមាន់របស់លោក​ស្រែកយ៉ាង​ខ្លាំង ហើយ​បង្ក​ឱ្យ​មាន​ជម្លោះ​ផ្លូវច្បាប់​ដ៏​ចម្រូងចម្រាស​។ កាលពី​ឆ្នាំ​មុន មានគ្រួសារ​មួយ​នៅ​បារាំងក៏ត្រូវ​បាន​គេ​ប្តឹង​ជាមួយបញ្ហាបែបនេះដែរ ៕