តាម​រយៈ​អង្គការ Heifer អន្តរជាតិកម្ពុជា​​ គម្រោងកម្មវិធី ភីភីអ៊ិនភី/PPNP បាន​ចាប់ផ្ដើម​តាំងពីឆ្នាំ១៩៩៩ ដែលបាន​​ចងក្រងគ្រួសារកសិករខ្នាតតូច ចំនួន​ជាង​១៥ម៉ឺន​គ្រួសារ​ ទៅ៣សែន​គ្រួសារ (គិតត្រឹមឆ្នាំ ២០៣០) ឱ្យក្លាយទៅជាក្រុមជួយខ្លួនឯង​ ជួយ​សហគមន៍កសិកម្ម និង​ជួយ​សហភាពសហគមន៍កសិកម្ម​។ គម្រោង​នេះបង្កើត​ឡើង ​ក្នុងគោលបំណងលើកកម្ពស់ខ្សែច្រវ៉ាក់តម្លៃ នៃផលិតកម្មមាន់ស្រែខ្មែរ និងបន្លែសុវត្ថិភាព។ លោក ញ៉ែម សារ៉េត នាយក​ប្រចាំ​ប្រទេស​នៃ​អង្គការ Heifer អន្តរជាតិកម្ពុជា​ បានបញ្ជាក់​ថា​ គម្រោងកម្មវិធី PPNP មានគោលបំណង​ពន្លឿនការរីកលូតលាស់ ផលិតកម្មមាន់ស្រែខ្មែរ តាមរយៈ​ការវិនិយោគលើការពង្រឹងអំណាចសហគមន៍កសិកម្ម និងការអភិវឌ្ឍសមត្ថភាពស្ថាប័នសហគមន៍កសិកម្ម។ បន្ថែម​ពី​នោះ​គឺ​ការ​វិនិយោគលើការកសាងសហគ្រាស កែច្នៃផលិតផលមាន់ស្រែខ្មែរ ការកសាងកសិដ្ឋានភ្ញាស់កូនមាន់ស្រែស្តង់ដារ និងការគាំទ្រការវិនិយោគលើកសិករខ្នាតតូច ឲ្យឈានទៅរកការបង្កើតសហគ្រាសកសិកម្មខ្នាតតូច-មធ្យម។​

យើងអាចមើលឃើញថាមានការត្អូញត្អែរជាកើតឡើងពីសំណាក់អ្នកចិញ្ចឹមសត្វក្នុងវិស័យចិញ្ចឹមសត្វរបស់ប្រទេសកម្ពុជាដោយសារអត្រានៃការលក់ទាបជាងការប៉ានស្មាន។ ដោយសារការចិញ្ចឹមសត្វនីមួយៗមានការចំណាយខ្ពស់លើចំណីសត្វ និងការថែទាំសុខភាពសត្វជាដើម។ ប្រសិនបើអ្នកបង្កាត់ពូជអាចកាត់បន្ថយការចំណាយដោយផលិតចំណីដោយខ្លួនឯង វានឹងបង្កើនប្រាក់ចំណេញដល់ពួកគេ។ លោក ឱម ភារុណ កសិករនៅខេត្តកែបម្នាក់ដែលប្រកបអាជីវកម្មបើកកសិដ្ឋានចិញ្ចឹមមាន់បានកាត់បន្ថយការចំណាយលើការចិញ្ចឹមមាន់ប្រហែល សាបសិប ភាគរយចាប់តាំងពីគាត់ចាប់ផ្តើមផលិតចំណីមាន់ដោយខ្លួនឯងមក។ គាត់បានចាប់ផ្តើមដំបូងកាលពី 4 ឆ្នាំមុន នៅពេលដែលទីផ្សារមាន់កំពុងមានតម្រូវការខ្ពស់ ប៉ុន្តែគាត់អាចរកចំណូលបានត្រឹមតែ ហាសិបម៉ឺន រៀលប៉ុណ្ណោះក្នុងមួយខែ។ ក៏ប៉ុន្តែ ប្រាក់ចំណេញរបស់គាត់បានកើនឡើងចាប់តាំងពីគាត់ផ្តើមអនុវត្តការណែនាំពីរបៀបផលិតចំណីដោយខ្លួនឯងពីគម្រោង Aspire ដែលជាកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ។ គ្រឿងផ្សំសម្រាប់ផលិតចំណីមានដូចជា៖ ម្សៅឆ្អឹងត្រី សំបកក្តាម ពោត ជុងអង្ករ ត្រកួន និងអង្កាមកិន។ ងាកមកមើលតម្លៃដែលលោកភារុណដាក់លក់លើទីផ្សារវិញម្តងឃើញថាលោកលក់មាន់អាយុ២១ថ្ងៃឲ្យសមាជិកក្រុមកសិករក្នុងតម្លៃ៦០០០រៀលក្នុង១ក្បាល ខណៈលោកលក់មាន់ស្រែ១គីឡូក្រាមឲ្យឈ្មួញដែលជាប់កិច្ចសន្យាក្នុងខេត្តក្នុងតម្លៃ១៨០០០រៀល១ក្បាល។

កសិករចិញ្ចឹមមាន់យកសាច់ នៅខេត្តកំពង់ស្ពឺ កំពុងជួបបញ្ហាសំខាន់ ចំនួន ៣ គឺមាន់ធ្លាក់ថ្លៃ មាន់ខ្វះទីផ្សារ និងចំណីសត្វឡើងថ្លៃ។ ពួកគាត់អះអាងថា ដោយសារការនាំមាន់ចូលពីប្រទេសវៀតណាម ធ្វើឲ្យមាន់ក្នុងស្រុក ធ្លាក់ថ្លៃ។ ហេតុនេះ កសិករចិញ្ចឹមមាន់យកសាច់ នៅខេត្តកំពង់ស្ពឺ សំណូមពរក្រសួងស្ថាប័នពាក់ព័ន្ធ ជួយទប់ស្កាត់ការនាំមាន់ចូលពីប្រទេសវៀតណាម។

មន្ត្រីជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទ បានទទួលស្គាល់ថា បច្ចុប្បន្ន ពិតជាមានការនាំចូលសត្វមាន់រស់ពីខាងក្រៅពិតមែន ប៉ុន្ដែ ការនាំចូលសត្វមាន់រស់ បានកាត់បន្ថយមកនៅត្រឹមប្រមាណ ១ម៉ឺនក្បាលប៉ុណ្ណោះ ក្នុងមួយថ្ងៃ។ ការនាំចូលសត្វមាន់នេះ បានបង្កផលប៉ះពាល់ដល់ក្រុមអ្នកចិញ្ចឹមមាន់ក្នុងស្រុកក៏ពិតមែន តែប៉ះពាល់ខ្លាំងជាងគេ ចំពោះអ្នកដែលចិញ្ចឹមមាន់សាច់ ប៉ុណ្ណោះ។ ដើម្បីដោះស្រាយបញ្ហានេះបាន អាជ្ញាធរនៅតាមបណ្ដាខេត្តដែលជាប់ព្រំដែនប្រទេសទាំងអស់ ត្រូវបង្កើនការរឹតត្បិត ដើម្បីឈានដល់ការបញ្ឈប់ការនាំចូលមាន់រស់។ ឯកឧត្តម តាន់ ផា​ន់​ណា​រ៉ា អគ្គនាយក នៃ​អគ្គនាយកដ្ឋាន​សុខភាព​សត្វ និង​ផលិតកម្ម បាន​អះអាង​ប្រាប់​ខេ​ម​បូ​ណូ​មី​ស​ថា សព្វ​ថ្ងៃនេះ សកម្មភាព​នៃ​ការ​នាំ​ចូល​សត្វ​មាន់​រស់​ខុសច្បាប់​ពី​ខាងក្រៅ ពិតជា​បន្ត​កើត​មាន​ជា​បន្តបន្ទាប់​មែន​។ ប៉ុន្តែ ឯកឧត្តម បាន​បញ្ជាក់​ថា អគ្គនាយកដ្ឋាន​សុខភាព​សត្វ និង​ផលិតកម្ម​សត្វ នឹង​រឹត​បន្តឹងបន្ថែម​លើ​ការងារ​នេះ ហើយ​លោក​មិន​អនុញ្ញាត​ឡើយ​ចំពោះ​ការ​នាំ​ចូល​សត្វ​រស់​ពី​ខាងក្រៅ​ដោយ​ខុសច្បាប់​។ ពាក់ព័ន្ធ​ការ​នាំ​ចូល​សត្វ​មាន់​រស់ ឯកឧត្តម តាន់ ផា​ន់​ណា​រ៉ា បាន​បញ្ជាក់​បន្ថែម​ថា បច្ចុប្បន្ន កម្ពុជា បាន​កាត់​បន្ថយ​ឱ្យ​មានការ​នាំ​ចូល​សត្វ​មាន់​រស់​មក​នៅ​ត្រឹម​ប្រមាណ ១​ម៉ឺន​ក្បាល ប៉ុណ្ណោះ ក្នុង​មួយ​ថ្ងៃ ខណៈ​កាលពីមុន​កម្ពុជា បាន​នាំ​ចូល​សត្វ​មាន់​រស់​ប្រមាណ ៥​ម៉ឺន​ក្បាល ឯណោះ​។ បើ​តាម​មន្ត្រីជាន់ខ្ពស់​ក្រសួងកសិកម្ម​ដដែល​នេះ បាន​បញ្ជាក់​ថា ការ​នាំ​ចូល​សត្វ​មាន់​នេះ បាន​បង្ក​ផល​ប៉ះពាល់​ដល់​ក្រុម​អ្នក​ចិញ្ចឹម​មាន់​ក្នុងស្រុក​ក៏​ពិតមែន តែ​ប៉ះពាល់​ខ្លាំង​ជាងគេ ចំពោះ​អ្នក​ដែល​ចិញ្ចឹម​មាន់​សាច់ ប៉ុណ្ណោះ​។ ដើម្បី​ដោះស្រាយ​បញ្ហា​នេះ​បាន អាជ្ញាធរ​នៅ​តាម​បណ្ដា​ខេត្ត​ដែល​ជាប់​ព្រំដែន​ប្រទេស​ទាំងអស់ ត្រូវ​បង្កើន​ការ​រឹតត្បិត ដើម្បី​ឈាន​ដល់​ការ​បញ្ឈប់​ការ​នាំ​ចូល​មាន់​រស់​ទាំងស្រុង នា​ពេល​ខាង​មុខ​។ បើ​តាម​លោក ស្រ៊ុ​ន ពៅ ប្រធាន​សមាគម​អ្នក​ចិញ្ចឹមសត្វ​កម្ពុជា បញ្ហា​ការ​នាំ​ចូល​សត្វ​ខុសច្បាប់ មិនមែន​ជា​រឿង​ថ្មី​នោះ​ទេ សម្រាប់​កម្ពុជា​។ ទោះ​យ៉ាងណា សមាគម​អ្នក​ចិញ្ចឹមសត្វ​កម្ពុជា នៅ​តែ​បន្ត​ទាមទារ និង​ស្នើ​ឱ្យ​ក្រសួង​-​ស្ថាប័ន​ពាក់ព័ន្ធ ចាត់វិធានការ​បន្ទាន់ ដើម្បី​ដោះស្រាយ​បញ្ហា​ជូន​កសិករ​ចិញ្ចឹម​មាន់​ក្នុងស្រុក​ដែល​កំពុង​ជួប​បញ្ហា​ទីផ្សារ ពិបាក​ប្រកួតប្រជែង​នឹង​មាន់​នាំ​ចូល​។ ប្រធាន​សមាគម​រូប​នេះ បាន​អះអាង ថា បច្ចុប្បន្ន កំណើន​នៃ​ការ​ចិញ្ចឹម​មាន់​កាន់តែ​កើនឡើង ពិសេស​អំឡុង​វិបត្តិ​កូ​វី​ដ​-១៩ ដែល​ធ្វើ​ឱ្យ​ក្រុម​អ្នក​ចិញ្ចឹម​មាន់​ក្នុងស្រុក មាន​លទ្ធភាព​គ្រប់គ្រាន់​សម្រាប់​ផ្គត់ផ្គង់​ទីផ្សារ​ក្នុងស្រុក​ខ្លួនឯង ដោយ​មិន​ចាំបាច់​នាំ​ចូល​ពី​ខាងក្រៅ​បន្ថែម​នោះ​ទេ​។ ប្រធាន​សមាគម​អ្នក​ចិញ្ចឹមសត្វ​រូប​នេះ បាន​សង្កត់ធ្ងន់​ថា សកម្មភាព​នៃ​ការ​នាំ​ចូល​សត្វ​ពី​ប្រទេស​ជិតខាង បាន​បង្ក​ផល​ប៉ះពាល់​យ៉ាងធ្ងន់ធ្ងរ​ដល់​ក្រុម​កសិករ​ក្នុងស្រុក និង​បាន​ធ្វើ​ឱ្យ​តម្លៃ​ផលិតផល​សត្វ កាន់តែ​ធ្លាក់​ចុះ​។ ទោះជា​បែប​នេះ​ក្ដី ការ​ចិញ្ចឹម​មាន់​ស្រែ និង​ការ​ចិញ្ចឹម​មាន់​សាច់ ដែល​មាន​កិច្ចសន្យា​ទទួល​ទិញ​ត្រឹមត្រូវ​ពី​ក្រុមហ៊ុន គឺ​មិនសូវ​រង​ផល​ប៉ះពាល់​ទីផ្សារ​នោះ​ទេ​។ ជាក់ស្ដែង លោក ឡេ​ង ស៊ី​វុ​ទ្ធី អ្នក​ចិញ្ចឹម​មាន់​ស្រែ នៅ​ខេត្តកំពង់ស្ពឺ បាន​អះអាង ប្រាប់​សារព័ត៌មាន​ខេ​ម​បូ​ណូ​មី​ស ថា បច្ចុប្បន្ន ទីផ្សារ​មាន់​របស់​លោក មិន​មាន​បញ្ហា​រាំងស្ទះ​អ្វី​នោះ​ទេ លោក​អាច​លក់​មាន់​លើ​ទីផ្សារ​ជា​ប្រចាំ​។ កសិករ​រូប​នេះ បាន​បញ្ជាក់​ថា មាន់​របស់​លោកមា​នទី​ផ្សារ​ស្រាប់ ទើប​អាច​លក់​បានជា​ធម្មតា ដោយ​មាន់​១​គីឡូក្រាម អាច​លក់​បាន ១​ម៉ឺន​៧​ពាន់​រៀល ទៅ ១​ម៉ឺន​៨​ពាន់​រៀល ក្នុង​មួយ​គីឡូក្រាម​។ ដោយឡែក លោក ហេង យ័ន អ្នក​ចិញ្ចឹម​មាន់​សាច់ វិញ ក៏​អះអាង​មិន​ខុស​គ្នា ប៉ុន្មាន​ពី​កសិករ​ចិញ្ចឹម​មាន់​ស្រែ​ដែរ លោក​ថា មាន់​សាច់​លោក លក់​មិន​ដែល​សល់​នោះ​ទេ ព្រោះ​ក្រុមហ៊ុន CP ជា​អ្នក​ទទួល​ទិញ​។ បើ​តាម​ការ​បញ្ជាក់​របស់​លោក ស្រ៊ុ​ន ពៅ បច្ចុប្បន្ន មាន់​បី​សាសន៍ មាន​តម្លៃ ៧​ពាន់​រៀល ក្នុង​មួយ​គីឡូក្រាម​។ រីឯ មាន់​សាច់​វិញ កសិករ​អាច​លក់​បាន​តម្លៃ ក្រោម​៤​ពាន់​រៀល ប៉ុណ្ណោះ ក្នុង​មួយ​គីឡូក្រាម​។ បច្ចុប្បន្ន កម្ពុជា​មាន​លទ្ធភាព​ផ្គត់ផ្គង់​សត្វ​មាន់​ប្រមាណ ១០​ម៉ឺន​ក្បាល ក្នុង​មួយ​ថ្ងៃ ហើយ​កម្ពុជា មាន​តម្រូវការ​សត្វ​មាន់​ប្រមាណ ១០​ម៉ឺន​ក្បាល ក្នុង​មួយ​ថ្ងៃ ដូច្នេះ កម្ពុជា មិន​ចាំបាច់​នោះ​ទេ ក្នុង​ការ​នាំ​ចូល​សត្វ​មាន់​ពី​ខាងក្រៅ​។ នេះ​បើ​តាម​ការ​បញ្ជាក់​បន្ថែម​របស់​លោក ស្រ៊ុ​ន ពៅ ប្រធាន​សមា​គ​អ្នក​ចិញ្ចឹមសត្វ​កម្ពុជា​៕

សមាគមអ្នកចិញ្ចឹមសត្វនៅកម្ពុជាថ្មីៗនេះបានដាក់លិខិតអន្តរាគមន៍ទៅកាន់ស្ថាប័នចំនួន ៣ នៅត្បូងឃ្មុំ ដើម្បីឲ្យជួយអន្តរាគមន៍ និងទប់ស្កាត់ករណីនាំចូលមាន់ខុសច្បាប់ពីប្រទេសវៀតណាម ។ ការនាំចូលមាន់ពីប្រទេសជិតខាងនឹងធ្វើឲ្យប៉ះពាល់ដល់ការផ្គត់ផ្គង់សាច់ និងការចិញ្ចឹមមាន់របស់ប្រជាពលរដ្ឋនៅក្នុងស្រុក ដែលកំពុងគ្មានទីផ្សារលក់ស្រាប់ទៅហើយនោះ ។ លោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា បានឱ្យដឹងថា ស្របពេលរាជរដ្ឋាភិបាលកំពុងជំរុញផលិតកម្មក្នុងស្រុកនេះ ករណីនាំចូលមាន់ខុសច្បាប់ពីប្រទេសវៀតណាម បានកើតឡើងជាហូរហែ ចំពោះការនាំចូលសត្វមាន់ខុសច្បាប់នេះ បានកំពុងធ្វើឲ្យប៉ះពាល់យ៉ាងធ្ងន់ធ្ងរ ដល់ការផ្គត់ផ្គង់សាច់មាន់នៅតាមទីផ្សារ ជាពិសេសធ្វើឲ្យប៉ះពាល់ដល់កសិដ្ឋាន និងអ្នកចិញ្ចឹមមាន់ក្នុងស្រុក ។

សមាគម​អ្នក​ចិញ្ចឹមសត្វ​កម្ពុជា បាន​លើកឡើង​ពី​ភាព​វិជ្ជមាន​នៃ​ចំណាត់ការ​របស់​ក្រសួងកសិកម្ម ក្នុងការ​កាត់បន្ថយ​ចំនួនការនាំចូល​មាន់​រស់​ពី​ក្រៅស្រុកមកផ្គត់ផ្គង់តម្រូវការទីផ្សារ​កម្ពុជាបានកាន់តែច្រើន។ក្រសួងកសិកម្ម រុក្ខាប្រមាញ់ និង​នេសាទដែលបានលើកទឹកចិត្ត​ដល់​ផលិតកម្ម​ចិញ្ចឹម​មាន់​ក្នុងស្រុក​ ខណៈដែលវិធានការកាត់បន្ថយការនាំចូលមាន់រស់ពីក្រៅស្រុកចូលមកកាន់ទីផ្សារកម្ពុជាត្រូវបានអនុវត្តយ៉ាងមានប្រសិទ្ធភាព។

ក្នុងរយៈពេលថ្មីៗចុងក្រោយនេះ ក្រសួងកសិកម្ម រុក្ខាប្រមាញ់ និងនេសាទ បានដាក់ចេញវិធានការថ្មីមួយទៀត នោះគឺការផ្អាកនាំចូលពីប្រទេសថៃ ដោយទុកតែការនាំចូលពី វៀតណាមនោះ បានបង្កឲ្យក្រុមអាជីវករ ដែលធ្លាប់រកស៊ីនាំសត្វបក្សី (មាន់) រស់ពីប្រទេសថៃរាប់សិបឆ្នាំ បានជួបការលំបាក និងជាពិសេសប៉ះពាល់ដល់ជីវភាពប្រចាំថ្ងៃតគ្នា ទាំងអ្នកនាំចូល និងអ្នកទទួលទិញយកទៅលក់បន្ដឲ្យអ្នកបរិភោគ។ ចំណាត់ការថ្មីមួយនេះរបស់ក្រសួងកសិកម្ម បានធ្វើឡើងក្រោមហេតុផលថា តម្រូវការជាក់ស្ដែង នៃការនាំចូលសត្វមាន់រស់ពីប្រទេសជិតខាង មានការកើនឡើងយ៉ាងគំហុក លើសពីតម្រូវការក្នុងស្រុក និងហេតុផលមួយទៀតនោះ គឺប៉ះពាល់ដល់អ្នកចិញ្ចឹមសត្វមាន់ និងសត្វបក្សីផ្សេងទៀតនៅក្នុងស្រុកផងដែរ។ តែយ៉ាងណាក៏ដោយ ក្រុមអាជីវករ និងអ្នកធ្លាប់រកស៊ីនាំមាន់រស់ពីប្រទេសថៃ នៅតែទទូចសុំឲ្យមានដំណោះស្រាយផ្លូវកណ្ដាលណាមួយ ពីក្រសួងកសិកមុ្ម ដើម្បីឲ្យអាជីពរបស់ពួកគេបន្ដដំណើរការ ហើយបើផ្អាកភ្លាមៗបែបនេះ នោះពួកគេមិនអាចបត់បែន ឬប្ដូរទិសដៅនាំចេញពីវៀតណាម ដែលមិនធ្លាប់ដើរនោះឡើយ។ ក្រុមអាជីវករទាំងនេះ ក៏នៅតែសុំឲ្យរដ្ឋមន្ដ្រីក្រសួងកសិកម្ម បើអាចបានសុំបន្តការអនុញ្ញាតនាំចូលពីថៃ ដោយបន្ថយចំនួននៃការនាំចូលខ្លះ និងកាត់បន្ថយពីការនាំចូលពីវៀតណាមខ្លះ ដើម្បីស្មើភាពគ្នា ទើបមិនប៉ះពាល់ខ្លាំង។ ជុំវិញការសម្រេចផ្អាកផ្តល់គោលការណ៍នាំចូលបក្សី (មាន់) បណ្តោះអាសន្ននេះ ត្រូវបានលោក តាន់ ផាន់ណារ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ បញ្ជាក់ប្រាប់បណ្តាញព័ត៌មាន Fresh News ថា ជាវិធានការទប់ទល់នឹងការនាំចូលលើសតម្រូវការ ដែលនាំឲ្យខាតបង់ដល់អ្នកចិញ្ចឹមក្នុងស្រុក។ លោកបញ្ជាក់ថា តម្រូវការសត្វបក្សក្នុង១ថ្ងៃៗកម្ពុជា ត្រូវការតែ១៧,០០០ក្បាលប៉ុណ្ណោះ ប៉ុន្តែបច្ចុប្បន្នគោលការណ៍នាំចូលមានរហូតដល់ ៤៤០០០ក្បាលក្នុងថ្ងៃឯណោះ។

ដើម្បីកែលម្អចម្ការដំណាំមិនផ្តល់ផល អភិវឌ្ឍសេដ្ឋកិច្ចចម្ការលក្ខណៈគ្រួសារ លើកបង្កើនប្រាក់ចំណូលជូនបងប្អូនជនជាតិ ឆ្នាំ ២០២២ មជ្ឈមណ្ឌលជំរុញកសិកម្មខេត្ត ហាយ៉ាង បានដាក់ដំណើរការគំរូចិញ្ចឹមមាន់ស្រុក - មាន់ ហ្មុង លក្ខណៈពាណិជ្ជកម្មប្រើទ្រនាប់ទ្រាប់តាមទិសដៅសុវត្ថិភាពជីវសាស្រ្ត។ ជាពូជក្នុងស្រុក ជាប្រភពហ្សែនដ៏មានតម្លៃហើយក៏ត្រូវបានចិញ្ចឹមតាំងពីយូរណាស់មកហើយ ទើបមាន់ ហ្មុង មានកម្លាំងការពាររាងកាយល្អ តម្លៃសេដ្ឋកិច្ចខ្ពស់ សាច់ឈ្ងុយឆ្ងាញ់និងត្រូវបានអតិថិជននិយមចូលចិត្ត។ តាមលោកស្រី ផាម ធីថ្វ នាយិកាមជ្ឈមណ្ឌលជំរុញកសិកម្មខេត្ត ហាយ៉ាង ចូលរួមក្នុងគំរូនេះ បងប្អូនជនជាតិត្រូវបានជួយឧបត្ថម្ភចំនួន ៥០ ភាគរយនៃកូនពូជ ចំណី វ៉ាក់សាំង ប្រាក់កម្រៃក្នុងពលកម្ម ផ្ទេរនិងណែនាំបច្ចេកទេស។ល។

ការចិញ្ចឹមមាន់ជាលក្ខណៈគ្រួសារមានសារៈសំខាន់ណាស់សម្រាប់ផ្តល់ប្រាក់ចំណូល និងអាហារូបត្ថម្ភដល់គ្រួសារជនបទក្នុងប្រទេសកម្ពុជា។ ទោះជាយ៉ាងណាក៏ដោយ កសិដ្ឋានទាំងនេះប្រឈមមុខនឹងបញ្ហាដោយសារពូជមាន់ក្នុងស្រុកផ្តល់ទិន្នផលទាប និងគ្រប់គ្រងពូជពុំទាន់មានប្រសិទ្ធភាព។ ពូជមាន់ក្នុងស្រុកមាន ៨៤% នៃមាន់នៅអាស៊ីអាគ្នេយ៍ រួមទាំងប្រទេស កម្ពុជាផងដែរ ប៉ុន្តែពួកវាត្រូវបានចិញ្ចឹមក្នុងចំនួនតិចតួចប៉ុណ្ណោះពី ២០-៥០ក្បាល ក្នុង១វដ្តផលិតកម្ម។ មេមាន់ទាំងនេះ ផ្តល់ពងបានត្រឹមតែ ៦០គ្រាប់ក្នុងមួយឆ្នាំ ហើយចិញ្ចឹមដើម្បីដល់ទម្ងន់ទីផ្សារត្រូវចំណាយពេល៦ខែ។ ផ្ទុយទៅវិញ ពូជពាណិជ្ជកម្មមានអាយុពេញវ័យក្នុងរយៈពេល ៦សប្តាហ៍ ហើយពងបានប្រហែល ២៥០-២៧០គ្រាប់ក្នុងមួយឆ្នាំ។ បញ្ហាប្រឈមដ៏សំខាន់មួយសម្រាប់កសិករចិញ្ចឹមមាន់ពូជក្នុងស្រុកគឺអត្រាស្លាប់ខ្ពស់ ជាពិសេសកូនមាន់នៅក្នុងដំណាក់កាលដំបូងនៃផលិតកម្ម។ ផលិតភាពទាបនេះ ជះឥទ្ធិពលលើជីវភាពកសិករចិញ្ចឹមមាន់ជាលក្ខណៈគ្រួសារ និងកំណត់លទ្ធភាពទទួលបានអាហារប្រូតេអ៊ីនរបស់គាត់។ ក្នុងឆ្នាំ២០២២ អូស្ត្រាលីបានផ្តល់មូលនិធិសម្រាប់គម្រោងស្រាវជ្រាវមួយតាមរយៈមជ្ឈមណ្ឌលអូស្ត្រាលីសម្រាប់ការស្រាវជ្រាវកសិកម្មអន្តរជាតិ (ACIAR) ដើម្បីបង្កើនផលិតភាព និងភាពធន់នឹងអាកាសធាតុក្នុងតំបន់លើពូជមាន់ ក្នុងស្រុកពូជស្គួយ (Skouy) ដោយផ្តល់ការគាំទ្រផ្នែកបច្ចេកទេស និងបច្ចេកវិទ្យាច្នៃប្រឌិតដល់ កសិករចិញ្ចឹមមាន់នៅប្រទេសកម្ពុជា។ គម្រោងនេះ បានធ្វើការជាមួយកសិករ ក្នុងគោលបំណងអភិវឌ្ឍពូជមាន់ស្គួយ។ កសិករដែលចូលរួមត្រូវបានបណ្តុះបណ្តាលបច្ចេកទេស ក្នុងការគ្រប់គ្រងមេបាពូជមាន់ វិធានការការពារជីវសុវត្ថិភាព បច្ចេកទេសបង្កាត់សិប្បនិម្មិត និងការកត់ត្រាទិន្នន័យក្នុងកសិដ្ឋានបង្កាត់ពូជ។

ជាការចូលរួមដើម្បីជាជំនួយស្មារតីក្នុងការធ្វើកសិកម្ម ដាំដំណាំចម្រុះផ្សេងៗតាមបែបទំនើប ក៏ដូចជាការចិញ្ចឹមសត្វ បច្ចុប្បន្ននេះយើងសង្កេតឃើញថា យុវជនខ្មែរមួយចំនួនងាកមកបង្កើតមាតិកាផ្សេងៗទាក់ទងនឹងការចែករំលែកចំណេះដឹង បទពិសោធផ្នែកកសិកម្មជាច្រើន និងទទួលបានការគាំទ្រច្រើន។