បើធៀបនឹងបុណ្យចូលឆ្នាំថ្មី តម្លៃមាន់នៅ Hai Duong បានកើនឡើងពី 3,000 ទៅ 10,000 ដុង/គីឡូក្រាម ខណៈតម្លៃកន្ទក់នៅដដែល។យោងតាមកសិករចិញ្ចឹមសត្វមួយចំនួននៅ Gia Loc, Tu Ky ... ថ្មីៗនេះតម្លៃសាច់មាន់បានឡើងថ្លៃម្តងទៀត។ មាន់​ជល់​ឆ្លង​កាត់​ត្រូវ​បាន​លក់​ក្នុង​តម្លៃ ៦៨.០០០ - ៧០.០០០ ដុង​ក្នុង​មួយ​គីឡូក្រាម មាន់​ហូ​ពី ៥០.០០០ - ៥៥.០០០ ដុង​ក្នុង​មួយ​គីឡូក្រាម... កើន​ឡើង ៣.០០០ - ១០.០០០ ដុង / គីឡូក្រាម។ ជាមួយ​តម្លៃ​លក់​នេះ ក្រោយ​កាត់​ថ្លៃដើម កសិករ​អាច​រក​ចំណូល​បាន​ពី ៥.០០០ ទៅ ១០.០០០ ដុង​ក្នុង​មួយ​គីឡូក្រាម។ តម្លៃពងមាន់ក៏ឡើងថ្លៃពី 100 - 300 ដុង/ពង តំលៃលក់ពី 1,700 ទៅ 1,900 ដុង/ពងនៅកសិដ្ឋាន។ ហេតុផលសម្រាប់ការកើនឡើងនៃតម្លៃលក់គឺដោយសារតែការកើនឡើងយ៉ាងខ្លាំងនៃតម្រូវការខណៈពេលដែលការផ្គត់ផ្គង់មានការថយចុះ។កន្លង​មក តម្លៃ​មាន់​និង​ពង​នៅ Hai Duong បាន​ធ្លាក់​ចុះ​យ៉ាង​ខ្លាំង ដែល​ធ្វើ​ឱ្យ​កសិករ​ចិញ្ចឹម​សត្វ​ជា​ច្រើន​រង​ការ​ខាត​បង់។ មូលហេតុ​គឺ​កសិដ្ឋាន​ផ្ដោត​លើ​ការ​ចិញ្ចឹម​សត្វ​បម្រើ​តេត ប៉ុន្តែ​ក្រោយ​បុណ្យ​តេត​នៅ​សល់​ស្តុក​ច្រើន​ទៀត។ គ្រួសារចិញ្ចឹមសត្វជាច្រើនមិនបន្តបណ្តាក់ទុនដោយសារការខាតបង់។

(ភ្នំពេញ)៖ ការបាត់បង់ទីផ្សារព្រោះតែការរាតត្បាតនៃជំងឺកូវីដ១៩ គឺជាទុក្ខលំបាកមួយទៅហើយសម្រាប់ប្រជាកសិករប្រកបរបរចិញ្ចឹមមាន់ តែពេលនេះទុក្ខធំមួយទៀត បានចូលមកបង្កើនទម្ងន់កង្វល់ និងការលំបាកសម្រាប់ពួកគេ គឺការនាំចូលមាន់ពីប្រទេសជិតខាង ជាពិសេសប្រទេសវៀតណាម។ ការនាំចូលមាន់ពីវៀតណាម ក្លាយទៅជាហេតុដ៏ធំនាំឱ្យអ្នកចិញ្ចឹមមាន់ឈានទៅរកការដួលរលំ ហើយបង្ខំចិត្តបិទរោងចិញ្ចឹមមាន់របស់ពួកគេ ដែលវិនិយោគអស់រាប់ម៉ឺនដុល្លារ។

​ការចិញ្ចឹម​មាន់​លក្ខណៈ​គ្រួសារ​ជា​មុខរបរ​មួយ​ដែល​អាច​ផ្ដល់ប្រាក់​ចំណូល​ទៀងទាត់ ប្រើប្រាស់​ដើមទុន​តិច ​រយៈពេល​ខ្លី​ក្នុងការ​ចិញ្ចឹម មាន​ទីផ្សារ​ខ្ពស់ និង​សមស្រប​សម្រាប់​ស្ត្រី​អាច​ឆ្លៀតពេល​ពី​ការងារ​ផ្ទះ​។ ប៉ុន្តែ​ស្របពេល​នឹង​ទទួលបាន​ផល​លឿន ការចិញ្ចឹម​មាន់​ក៏​ជួប​នូវ​ផលវិបាក​ដែរ បើសិន​ចិញ្ចឹម​ដោយ​គ្មាន​បច្ចេកទេស​ត្រឹមត្រូវ អាច​បង្ក​ឲ្យ​មាន់​កើត​ជំងឺ​ផ្សេងៗ​។ នេះ​បើតាម​​សៀវភៅ​បច្ចេកទេស​ចិញ្ចឹម​មាន់ របស់​ក្រសួងកសិកម្ម រុក្ខាប្រមាញ់​និង​នេសាទ​។​​កសិករ​ត្រូវ​រៀបចំ​សម្ភារ​ចិញ្ចឹម​មាន់ដូចជា​ទ្រុងមាន់ និង​ទីធ្លារ​រៀបចំ​ទ្រុងមាន់ ឲ្យ​បាន​ត្រឹមត្រូវ​ដើម្បី​ជៀសវាង​ហានិភ័យ នៃ​ការឆ្លង​ជំងឺ​ផ្សេងៗ​។ បន្ទាប់ពី​ជ្រើស​កន្លែង​សម្រាប់​ដាក់​ទ្រុង​ហើយ ត្រូវ​ជ្រើសរើស​ពូជ​ដែលមាន​សុខភាព​ល្អ មាន​មាឌធំ ដែលមាន​ផលិតភាព​ខ្ពស់​។ សម្រាប់​មាន់ពូជ​បា ត្រូវ​ជ្រើស​មាន់​ស្គួយ មាន់កណ្ដូង មាន់​ប្រជល់ និង​មាន់​បង្កាត់​ក្នុងស្រុក​។ ដោយឡែក​មាន់​មេ ត្រូវ​ជ្រើស​មាន់​សំពៅ មាន់ក្រញាស់ មាន់ចែ និង​មាន់​បង្កាត់​ក្នុងស្រុក​។​​គុណសម្បត្តិ​នៃ​ការជ្រើសរើស​ពូជ​មាន់​ក្នុងស្រុក​ ធន់​នឹង​ជំងឺ និង​អាកាសធាតុ​។ ងាយស្រួល​ផ្ដល់​ចំណី និង​ថែទាំ​។ មាន់​ខ្មែរ​មានតម្លៃ​ខ្ពស់ ងាយស្រួល​លក់ ព្រមទាំង​សាច់មាន់​មាន​រសជាតិ​ឆ្ងាញ់ ស្របតាម​តម្រូវការ​ក្នុងស្រុក​។​

បើយោងតាម ម្ចាស់កសិដ្ឋានចិញ្ចឹមមាន់មួយកន្លែងនៅខាងខេត្តកំពង់ស្ពឺ បានសង្កេតឃើញថា បច្ចុប្បន្ននេះទីផ្សារមាន់សាច់សម្រាប់អ្នកចិញ្ចឹមលក់ថ្លៃត្រឹមតែ៤៤០០រៀល ខណៈថ្លៃដើមផលិតអ្នកចិញ្ចឹមមាន់ចំណាយអស់៥០០០រៀល។លោកសុក សីហា ម្ចាស់កសិដ្ឋានចិញ្ចឹមមាន់ខាងលើមានប្រសាសន៍ថា« ខ្ញុំដឹងថាក្នុងរដូវបុណ្យភ្ជុំបិណ្ឌឆ្នំា២០២៣នេះតម្រូវការមាន់សាច់នៅលើទីផ្សារមានមិនសូវច្រើននោះទេ ម្លោះហើយទើបខ្ញុំកាត់បន្ថយចំនួនចិញ្ចឹមមាន់សាច់»។ លោកលើកឡើងថា មាន់សាច់នៅមុនរដូវបុណ្យភ្ជុំបិណ្ឌ និងមុនរដូវចូលឆ្នំាថ្មីប្រពៃជាតិខ្មែរលក់មិនសូវបានថ្លៃដូចគ្នា ព្រោះប្រជាពលរដ្ឋមិននិយមទិញយកទៅធ្វើម្ហូបសម្រាប់ទៅវត្តនោះទេ គាត់និយមធ្វើមាន់បីសាសន៍ឬមាន់ស្រុក។ ដូចនេះតម្លៃមាន់សាច់ទោះចង់ឬមិនចង់មិនអាចលក់បានថ្លៃនោះទេ ប៉ុន្តែបើផុតពីរដូវបុណ្យភ្ជុំនេះទៅ ប្រជាពលរដ្ឋឬកម្មករនិយោជិតក្នុងវិស័យកាត់ដេរចាប់ផ្តើមមានតម្រូវការមាន់សាច់សម្រាប់ធ្វើម្ហូបឡើងវិញ។ លោកសុក សីហាបញ្ជាក់ថា«នៅក្នុងរដូវកាលបុណ្យភ្ជុំបិណ្ឌឆ្នំានេះក្នុងមួយសប្តាហ៍ ខ្ញុំមានមាន់សាច់សម្រាប់ផ្គត់ផ្គង់ទៅលើទីផ្សារមានប្រមាណ១៥.០០០ម៉ឺនក្បាល តែដល់ពេលផុតបុណ្យភ្ជុំហើយទើបខ្ញុំមានមាន់សាច់ចន្លោះ២ម៉ឺនក្បាលទៅ៣ម៉ឺនក្បាលវិញ ហើយសម្រាប់មាន់៣សាសន៍យើងលក់ដាច់បានជាធម្មតាដូចនិងឆ្នំាមុនដែរ លក់ទៅភ្នំពេញមួយគីឡូក្រាមថ្លៃ១ម៉ឺនរៀល។ដូចនេះមាន់៣សាសន៍វាមិនមានបញ្ហានៅលើទីផ្សារដូចទៅនិងមាន់សាច់នោះទេ»។ បើតាមម្ចាស់កសិដ្ឋានចិញ្ចឹមមាន់នៅខាងខេត្តកំពង់ស្ពឺរូបនេះថា នៅក្នុងរដូវកាលបុណ្យភ្ជុំបិណ្ឌឆ្នំា២០២៣ឬក្នុងរយៈ១៥ថ្ងៃលោកមានមាន់សាច់ប្រមាណ៣ម៉ឺនក្បាលលក់ចេញទៅលើទីផ្សារ។ចំណែកមាន់៣សាសន៍វិញមានពីចន្លោះ៤ម៉ឺនក្បាលទៅ៦ម៉ឺនក្បាល។ លោកលើឡើងថា មាន់សាច់យើងដឹងថាទីផ្សារអត់ល្អ ប៉ុន្តែហេតុអ្វីបានជាខ្ញុំមានមាន់លក់ក្នុងមួយសប្តាហ៍១៥០០០ក្បាល? ព្រោះចំនួននេះគឺជាចំនួនដែលខ្ញុំមិនអាច ខកខានលក់បានដោយសារខ្ញុំមានម៉ូយប្រចំាថ្ងៃត្រូវផ្គត់ផ្គង់ជូនពួកគាត់។មាន់៣សាសន៍ទោះបីតម្លៃមិនអាចឡើងថ្លៃផុតពី១ម៉ឹនរៀលក្នុងមួយគីឡូក្រាមក្នុងរដូវភ្ជុំបិណ្ឌក៏ដោយ តែតម្លៃនេះក្នុងនាមជាអ្នកចិញ្ចឹមមាន់មាន់ម្នាក់គឺអាចទទួលយកបាន ព្រោះមានផលចំណេញខ្លះត្រឡប់មកវិញ៕

(ភ្នំពេញ)៖ ក្រុមម្ចាស់កសិដ្ឋានចិញ្ចឹមមាន់យកស៊ុតលក់នៅកម្ពុជា បានលើកឡើងថា ក្នុងរយៈពេលជិត២ឆ្នាំមកនេះពងមាន់ចិញ្ចឹមរបស់ពួកគាត់កំពុងមានទីផ្សារល្អ ដោយក្នុងនេះពុំមានការប្រជែងទីផ្សារជាមួយការនាំស៊ុតចូល ពីប្រទេសជិតខាងទៀតឡើយ។ តាមរយៈទីផ្សារល្អ និងតម្រូវការស៊ុតមាន់កាន់តែកើនឡើងនេះដែរ បានជួយឱ្យអត្រាចិញ្ចឹមរបស់ពួកគាត់អាចរកប្រាក់ចំណេញក្នុងចន្លោះពី៣០ទៅ៤០ភាគរយ។ អ្នកស្រី ពីង ភីរម្យ កសិដ្ឋានចិញ្ចឹមមាន់យកស៊ុតមួយកន្លែងនៅ ខេត្ត បាត់ដំបង បានប្រាប់ឱ្យដឹងថាអ្នកស្រីបានចិញ្ចឹមមាន់យកស៊ុតជាង ១ម៉ឺនក្បាល ហើយវាបានផ្តល់ស៊ុតលក់រៀងរាល់ថ្ងៃដោយក្នុងនេះ ស៊ុតបោះដុំ លក់មួយគ្រាប់ចាប់ពី៤០០ ទៅ៤៥០រៀលនិង៤៧០រៀល ទៅតាមទំហំស៊ុតតូចធំ។ស៊ុតមានប៉ុន្មានគេយកអស់ៗដោយក្នុងនេះ បានលក់ទាំងក្នុងខេត្ត បាត់ដំបង និងទៅកាន់រាជធានីភ្នំពេញផងដែរ។

ការចិញ្ចឹមមាន់ស្រែនៅផ្ទះ គឺជាការចិញ្ចឹមជាលក្ខណៈគ្រួសារ ដោយប្រើកាកទឹកបាយ ដើម្បីចិញ្ចឹមមាន់នោះឱ្យមានការលូតលាស់។ នៅក្នុងរូបភាពខាងក្រោមនេះ ជាមាន់ស្រែនៅក្នុងភូមិ