(កំពង់ឆ្នាំង)៖ បន្ទាប់ពីមានការជំរុញ និងលើកទឹកចិត្ត ដល់ប្រជាកសិករនៅតាមសហគមន៍ ឲ្យមានការចិញ្ចឹមត្រីសាច់ មាន់ ទា និងដាំបន្លែបង្ការផ្សេងៗ ដើម្បីសម្រាប់ ផ្គត់ផ្គង់ជីវភាពគ្រួសារ ពីប្រមុខរាជរដ្ឋាភិបាល មកប្រជាកសិករ នៅក្នុងខេត្តកំពង់ឆ្នាំង ជាពិសេសកសិករ រស់នៅក្នុងស្រុករលាប្អៀរ មានការផុលផុស ក្នុងការចាប់ផ្ដើម ដាំដុះ នូវដំណាំ រួមផ្សំ ដូចជាបន្លែបង្កា និងចិញ្ចឹមត្រី សត្វ ជ្រូក មាន់ ទា -ល- នៅតាមគេហដ្ឋាន និងដីស្រែចំការរបស់ពួកគាត់ ដែលមានសក្តានុពល ផ្នែកដំណាំកសិកម្ម និងការចិញ្ចឹមសត្វ បន្ទាប់ពីបង្កបង្កើនផលស្រូវវស្សារួចមក។

កំពង់ឆ្នាំង៖មន្ត្រីជំនាញកសិ កម្មបានឱ្យដឹងថា កសិករខេត្តកំពង់ឆ្នាំងជាច្រើន បានបង្កើនការចិញ្ចឹមមាន់ពីមួយឆ្នាំទៅមួយឆ្នាំ ដើម្បីបំពេញតម្រូវការទីផ្សារក្នុងតំបន់និងនាំចេញមកកាន់រាជធានីភ្នំពេញខណ:មាន់ស្រែមានតម្លៃថ្លៃ ហើយរសជាតិឆ្ងាញ់ ទំហំធំស្របតាមតម្រូវការបស់អ្នកបរិភោគ។ លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់និងនេ សាទខេត្តកំពង់ឆ្នាំង បានមាន ប្រសាសន៍ប្រាប់វិទ្យុជាតិកម្ពុជាថា ពីមួយថ្ងៃទៅមួយថ្ងៃការចិញ្ចឹមមាន់របស់កសិករមានការកើនឡើងជាហូរហែខណៈបច្ចុប្បន្ននេះមានកសិដ្ឋានធំៗចំនួនជាង ១១ កសិដ្ឋាននិងប្រជាពលរដ្ឋជាច្រើនកំពុងចិញ្ចឹមជាលក្ខណៈគ្រួសារដោយសារតម្លៃទីផ្សារល្អ ជួយឲ្យកសិកររកចំណូលបានខ្ពស់។ លោកបន្តថា បើគិតមក ដល់បច្ចុប្បន្ននេះ កសិករនៅ ក្នុងខេត្តចិញ្ចឹមមាន់ស្រុកបានចំនួនសរុបជាង២លានក្បាលទោះបីស្ថិតក្នុងបរិបទកូវីដ ១៩ក៏ដោយ ក៏អតិថិជននៅតែបញ្ជាទិញជារៀងរាល់ថ្ងៃ រីឯតម្លៃវិញមាន់រស់ក្នុង១គីឡូ ក្រាមមានតម្លៃ២ម៉ឺនរៀល ដែលជួយសម្រួលជីវភាពរបស់ពួកគាត់បានប្រសើរផងដែរ។ "និយាយជារួម ពាក់ ព័ន្ធនឹងការចិញ្ចឹមមាន់មានការកើនឡើងទីមួយពាក់ព័ន្ធនឹងតម្លៃទីផ្សាររបស់គាត់ដូចជានៅថេរ ហើយការធ្លាក់ចុះស្ថិតនៅក្នុងបរិបទកូវីដនេះគឺធ្លាក់ចុះតិចតួចដែរ។ ទីពីរពាក់ព័ន្ធនឹងប្រាក់ចំណូលនៃការចិញ្ចឹមមាន់របស់គាត់គឺប្រាក់ចំណូលខ្ពស់"។ លោកប្រធានមន្ទីរបញ្ជាក់ថា ដើម្បីចិញ្ចឹមមាន់ស្រែបានជោគជ័យ កសិករមិនអាចនៅរក្សាទម្លាប់នៃការចិញ្ចឹមពាស វាលពាសកាលទេ ត្រូវតែដាក់ក្នុងទ្រុង ហើយត្រូវជ្រើសរើសពូជមាន់ស្រែដែលគេឲ្យតម្លៃមានរសជាតិឆ្ងាញ់ជាមាន់សុទ្ធធន់និងជំងឺ ពូជធំលឿននិងជាពូជដែលស្របតាមស្តង់ដារទីផ្សារផងដែរ៕