Tin tức
បច្ចេកទេសថែទាំ និងគ្រប់គ្រងការចិញ្ចឹមមាន់តាមបែបជីវសុវត្ថិភាពលក្ខណៈគ្រួសារ
ក.អនាម័យ
សម្អាតទ្រុងជាប្រចាំ សម្អាតលាមកធ្វើជាជី និងកាកសំណល់ចំណីឱ្យបានស្អាត ហើយដុតចោល ។
- សម្អាតមជ្ឈដ្ឋានជុំវិញ ( ស្មៅ ព្រៃ ភក់ជ្រាំ )
- សម្អាតស្នូកទឹក និងស្នូកចំណីជាប្រចាំ
- ប្រើកំបោរបាចនៅក្នុងទីធ្លាជាពិសេសកន្លែងដែលមានសត្វឈឺ និងសត្វស្លាប់
- ត្រូវសម្អាត និងផ្លាស់ប្តូរសំបុកជាថ្មី បន្ទាប់ពីមាន់ញាស់រួចរាល់
ខ.ការថែទាំមេពង
- មាន់អាចពងនៅអាយុ ៥-៦ខែ (ពូជក្នុងស្រុក) ដូច្នេះហើយ ត្រូវធ្វើសំបុកឱ្យមាន់ពង
- សំបុកត្រូវមាំ មានអនាម័យ ចំបើងស្ងួតល្អ (សំបុករដូវប្រាំងគួរធំជាងរដូវវស្សា)
- ត្រូវមានភាពស្ងប់ស្ងាត់កន្លែងដែលមាន់ត្រូវពង និងសំរាប់មេកំពុងក្រាបពង
- បា១ អាចបង្កាត់មេបាន ៨-១០ក្បាល
- មាន់ក្រាបពងរយៈពេល ១៩-២៣ថ្ងៃ
គ.ការថែទាំកូនញាស់
១.អាយុ១-១៥ថ្ងៃ
- ដាក់ធ្យូងដុតនៅក្នុងឆ្នាំងដី ឬក្អម ដើម្បីកម្តៅជាពិសេសនៅពេលយប់ ដែលមានអាកាសធាតុត្រជាក់
- បង្ខាំងការពារសត្វសាហាវ (ឆ្កែ ឆ្មា ស្ការ កណ្តុរ ពស់)
- ដាក់ចំណីដែលមានជាតិ ប្រូតេអ៊ីនខ្ពស់ ដូចជាជន្លេន ស្លឹកត្រកួន ម្សៅសណ្តែកសៀងឆ្អិន ម្សៅត្រី
២.កូនមាន់អាយុលើសពី១៥ថ្ងៃ
- លែងពីការបង្ខាំងហើយ បំបែកចេញពីមេ
- ឱ្យកូនមាន់ដើរស៊ីតាមធម្មតា
- ឱ្យស៊ីចំណីដែលមានសមាសធាតុ ជីវជាតិគ្រប់គ្រាន់ ដោយប្រើប្រាស់ធនធានដូចខាងលើ
ឃ.វិធានការការពារ
- ត្រូវចាក់វ៉ាក់សាំងការពារជំងឺឆ្លង (ញូកាស អុតមាន់ អាសន្នរោគ)
- ចាក់ថ្នាំទម្លាក់ប៉ារ៉ាស៊ីតឱ្យបានទៀងទាត់
- បង្ខាំងមាន់ដែលទើបទិញមកថ្មី ត្រូវបង្ខាំងដាច់ដោយឡែក រយៈពេល១៥ថ្ងៃ ដើម្បីតាមដានមុនពេលបញ្ចូលទៅក្នុងហ្វូង
- ករណីមានមាន់ឈឺ ត្រូវបំបែកមាន់ចេញពីគ្នា
