វិធានការការពារជំងឺញ៉ូកាស់កើតលើសត្វមាន់

2 months ago

21

អំពីជំងឺញ៉ូកាស់ ៖ វីរុសនេះ ឆ្លងចូលក្នុងហ្វូងសត្វមាន់ ពីមានឈឺ មកជាមាន់ជា ដោយមានរោគសញ្ញាដូចជា - មាន់សំកុក ស៊ីតិច ហៀរសំបោរ ប៉ោងកេរ រោមបះ - កូនមាន់ច្រើនឈរផ្តុំគ្នាជាក្រុម - មាន់ធំច្រើនដើរបែកហ្វូងពីមាន់ដទៃ - ពិបាកដកដង្ហើម សំឡេងក្រឺតក្រតច្រើននៅពេលយប់ - សិរណង់ មានពណ៌ក្រហមជាំរាងពណ៌ស្វាយ - រាគរួស លាមករាវ មានពណ៌ស បៃតង ដូចអាចម៍កុក - មាន់ឈឺ និងងាប់ច្រើន (អាច១០០%) - មាន់ដែលសេសសល់ពីការងាប់ កើតជាជំងឺសរសៃប្រសាទ ក្រងៀងក ដើរវិលជុំ ចឹកចំណីមិនចំ - ហៀរសំបោរ លាមករាគពណ៌បៃតង រោគសញ្ញាសរសៃប្រសាទ (រមួលក) មាន់ឈឺ ត្រូវស្លាប់ភាគច្រើនជាមាន់តូចៗ, មាន់ខ្លះនៅរស់តែមានរោគសញ្ញាសរសៃប្រសាទ (រមួលក និងដើរថយក្រោយ) ការចម្លងជំងឺ ៖ - ទំនាក់ទំនងរវាងមាន់ឈឺ ទៅមាន់ជា - ឆ្លងតាមខ្យល់ ធូលី និងអាកាសធាតុអំណោយផល - ការដឹកជញ្ជូន ចំណី ទឹក សម្ភារៈ ដែលមានផ្ទុកទៅដោយមេរោគ - តាមមនុស្ស ដែលឆ្លងកាត់តំបន់មានជំងឺ - តាមរយៈការទិញមាន់ឈឺមកចិញ្ចឹម ឬធ្វើម្ហូបនៅកន្លែងចិញ្ចឹមដោយពុំបានសម្អាតឱ្យបានត្រឹមត្រូវ វិធានការពារ ៖ - ត្រូវសម្អាតទ្រុង ស្នូកទឹក ស្នូកចំណី ឱ្យបានស្អាតជាប់ជាប្រចាំ - មិនត្រូវទិញមាន់ថ្មីមកចិញ្ចឹម ជាមួយមាន់ដែលមានក្នុងទ្រុងទេ យ៉ាងហោចណាស់បង្ខាំងទុកមាន់ថ្មីដោយឡែកឱ្យបាន១៤ថ្ងៃដើម្បីតាមដានថាវាមានជំងឺឬអត់ - ចំណីត្រូវមានគុណភាពល្អ - ចិញ្ចឹមមាន់ដាក់ក្នុងទ្រុង - ត្រូវធ្វើវ៉ាក់សាំងឱ្យបានត្រឹមត្រូវ - កុំចិញ្ចឹម ឬទុកធ្វើពូជ ចំពោះមាន់ដែលនៅរស់ក្រោយពីឈឺ ព្រោះវាជាអ្នកចម្លងជំងឺ វិធានការក្រោយផ្ទុះជំងឺ ៖ - ត្រូវបំបែកមាន់ឈឺចេញពីមាន់ជា - នៅពេលមានមាន់ងាប់ ត្រូវដុតវាក្នុងរណ្តៅ រួចបាចផេះ ឬកំបោរ ហើយលុបដីឱ្យបានជិតល្អ - បាចកំបោរក្នុងទ្រុង និងលាបទឹកកំបោរតាមជញ្ជាំង - សម្អាតឧបករណ៍ប្រើប្រាស់ឱ្យបានស្អាត - ប្រមូលកាកសំណល់ផ្សេងៗទៅដុតចោល - មិនត្រូវលក់មាន់ដែលមានជំងឺទេ